مولوي نورالعزيز: افغان طالبان نوره جګړه کول نه غواړي

مولوي نورالعزيز: افغان طالبان نوره جګړه کول نه غواړي

د طالبانو رژيم يو پخوانى چارواکى وايي، هغه چاودنې چې په سپېڅلو
ځايونو او عامه سيمو کې تر سره کېږي، د افغاني طالبانو کار نه، بلکې د بهرنيانو له خوا طرحه کېږي.
مولوي نورالعزيز، چې د طالبانو له خوا کندوز ولايت ته د والي په توګه نومول شوى و، دوه کاله وړاندې په کندهار کې له يوې ٥٠ کسيزې وسله والې ډلې سره د سولې له پروسې سره يو ځاى شو او له هغه وروسته د کندهار د ارشاد، حج او اوقافو د مشر په توګه وټاکل شو.
د طالبانو دغه پخواني چارواکي له پژواک خبري اژانس سره په مرکه کې وويل، داسې معلومات په لاس کې لري، چې د طالبانو مشران به ډېر ژر په پټه او ښکاره توګه د سولې له پروسې سره يوځاى شي.
مولوي نورالعزيز زياته کړه، کله چې ډېرى وسله وال په دې پوه شوي، چې امريکا د افغانستان د اشغال په موخه نه، بلکې د هېواد د ابادي په موخه راغلې، نو له تاوتريخوالي څخه يې لاس اخيستى او د سولې پر خبرو بوخت دي او خپلې وسلې يې پر ځمکه ايښې دي