لیونی جواب ورکړ.: د عاقلانو غوندې نه کېږم ، ناځواني ورسره نکوم ، خیانت نه کوم ، یوازې یې نه پرېږدم ، هغه ژمنه چې مې ورته سر ټیټ شي نه کوم او درواغ هم ورته نه وایم ... مینه به ورسره لرم ، بېوفایی ورسره نه کوم او ورسره به مهربان اوسم ... تل به ورسره ځواني کوم ، ناارامه کوم او غمجنه وم یې هم نه ...
پوښتونکی بیا سوال وکړ: که یوازې یې پرېښودې بیا ، که مینه یې درسره نلرله ، که ناځواني یې درسره وکړه ، که بېوفا وه ...؟ د لیونی سترګې له اوښکو ډکې شوې ویې ویل: که داسې نه وای نه زه به لېونی کېدم نه ...!!!
د بلخ والي عطا محمد نور، وایي چې د موازي حکومت د جوړولو په لټه کې نه دی او د هغه تر مشرۍ لاندې د بلخ ولایت د افغانستان جز دی.
د بلخ والي عطا محمد نور، چې د ملي وحدت د حکومت د اجرایوي رئیس عبدالله عبدالله د سرسختو او بانفوذه پلویانو څخه دی وایي چې اشرف غني احمدزی، د افغانستان منتخب جمهور رئیس نه دی بلکې د یو سیاسي توافق له مخې دغه مقام ته رسیدلی دی.
د بلخ والي چې دمخه یې د ښاغلي احمدزي سره جنجالي اړیکې درلودلي دي د امریکا غږ آشنا رادیو سره په ځانگړې مرکه کې وویل چې له بده مرغه تر اوسه یې اشرف غني احمدزي ته د جمهور رئیس په توگه مبارکي نه ده ورکړې، خو وایي چې ښاغلي احمدزي ته درناوی لري.
ښاغي نور د بلخ له ولایت څخه د گوښه کیدو د احتمال په هکله وویل چې د هغه گوښه کول "اسان کار نه دی".
هغه زیاته کړه چې د ښاغلي عبدالله د ټیم څخه دی چې د ملي وحدت د حکومت نیمایي به د هغه په واک کې وي.
دا په داسې حال کې دي چې د افغانستان منتخب جمهور رئیس اشرف غني احمدزي د دوشنبې په ورځ وویل چې په کلکه به د حکومت د قدرت په وړاندې د موازي جوړښتونو سره مبارزه وکړي.
د انتخاباتو د نتایجو د اعلان په اړه ښاغلي نور وایي "زه د دواړو کاندیدانو تر منځ د توافق هر کلی کوم او مخالف یې نه یم. خو ښه به دا وی چې دا هر څه د خلکو د رایو ، مدني حرکتونو او دیموکراسۍ له لارې شوی وای. "
هغه وایي "مونږ زیاتې هلې ځلې وکړلې چې په افغانستان کې دیموکراسي غښتلې شي خو له بده مرغه چې هغه شان ونشول خو بیا هم خوښ یم چې په افغانستان کې د بحران مخه ونیول شوه او یوه نسبي معقوله د حل لاره یې پیدا شوه."
د ملي یووالي حکومت جوړښت:
عطا محمد نور وایي چې د ملي یووالي د حکومت جوړیدل " دافغانستان حالاتو ته په پام سره د یوه مجبوریت له مخې و او د قانون خلاف هم ندی. د ملي یووالي د حکومت جمهور رئیس منتخب نه، بلکه د سیاسي توافق له مخې ټاکل شوی ولسمشر دی. "
موازي حکومت:
که څه هم چې د اصلاحاتو او همپالنې د ټیم یو لوړپوړي غړي ګواښ کړی و چې که چیرته په انتخاباتو کې د هغوي ټیم بریالی نشي، نو په افغانستان کې به موازي حکومت جوړ کړي خو ښاغلی نور وایي " دا د ټولو دنده ده چې په افغانستان کې دې موازي حکومت نه وي، او په افغانستان کې د موازي حکومت جوړیدو ته ځای نشته."
هغه وایي " ما هیڅ وخت د موازي حکومت نه درلود، بلکه د بلخ د والي په توګه مې د ولسمشر حامد کرزي د حکومت د قانون سره سم کار کاوه او تر څنګ مې د یو سیاسي شخصیت په صفت نور فعالیتونه هم درلودل خو زما سیاسي کارونه پدې خاطر و چې زه د جمیعت د ګوند اجرایوي مشر یم. "
د ډاکټر اشرف غني سره د عطا محمد نور اړیکې :
عطا محمد نور وایي چې تر اوسه یې ښاغلي اشرف غني ته د جمهوري ریاست د انتخاباتو د ګټلو په خاطر مبارکي نده ویلې. خو زیاتوي " که اړیکه هم ورسره ونیسم نو د منتخب ولسمشر او یا دا چې د خلکو د رایو له لارې د هیواد جمهور رییس شوی وي، مبارکي ونه وایم. "
د ډښاغلي احمدزي په مشرۍ د ملي یووالي په حکومت کې د کار کولو په اړه ښاغلی نور وایي "زه د تحول او همپالنې د ټیم غړی یم چې د موافقې له مخې به په راتلونکي حکومت کې پنځوس په سلو کې قدرت ورسره وي. دا زما خپله پریکړه ده وروسته به یې اعلان کړم چې آیا د راتلونکي حکومت سره به کار وکړم او که نه."
خو ښاغلي نور دا خبره په بشړه توګه رد کړه چې د بلخ د والي پرته به د افغانستان په بل هیڅ ولایت کې د والي په صفت کار ونکړي "د هیواد په هرې برخې کې کار کول زما لپاره یو ویا ړ دی. مګر زه علاقه نلرم چې د بل ولایت د والي په صفت کار وکړم."
خو زیاتوي چې " ما ته پخوا هم په کابینې کې د کار کولو زمینه مساعده وه او اوس هم د اصلاحاتو او همپالنې په ټیم کې زما لپاره د کابینې د غړي په صفت د کار کولو زمینه مساعده ده. ... زما لیرې کول به د مشورې پرته د نوي ولسمشر لپاره آسانه کار نه وي.
د همدغې سیمي یو بل اوسېدونکی محمد شاه وايي: ((دا چنجیان هر شین بوټی خوري خو کلک شی نه سي خوړلای، انګور یې ډېر خوړلي چي د یوه باغ دوې جیوې یو مخ له منځه وړي.))
د سيمې کروندګر د کرنې او مالدارۍ رياست څخه د مرستې غوښتنه کوي، خو د دغه رياست چارواکي وايي، چي په دې اړه ناخبره دي او چا شکايت هم نه دی ورته کړى.
ددغه رياست د نباتاتو د ساتنې مدير ذبيح الله زيارمل وايي، د رسنيو له لارې خبر سوي او د دغه چنجیانو نمونه یې هم لیدلې چي تر اوسه د ودې په حال کې دي او کله چې غټ سي وزرونه هم کوي.
((اوس د دغو چنجیانو د کوچنیوالي مرحله ده چي زیانونه اوس مهال ډېر اړولای سي خو وروسته وزرونه هم کوي.))
هغه زياته کړه، چي په دې اړه وزارت ته خبر ورکوي او د هغوی څخه د دغه چنجيانو ضد درملو د ترلاسه کولو وروسته کمپاين پيلوي.
دغه چنجيان چي د نورو عامو په پرتله ډېر چټک دي، د تودې هوا سره هم ډېر مقاومت کوي ځکه زیاتره په دښتونو کي دي چي له هغه ځایه شنو سیمو ته ځان رسوي.
د روغتون مخې ته ګڼ پاېوازان راټول ول، د چا زوی، د چا پلار او د چا خپلوان زخمیان وو. ټول په یو ډول عاطفي حالت کې ډوب دي او د خپلو ناروغانو د ژوند لپاره دوعاګانې کوي، دا بیخي مناسب وخت دی، چې کوم سوالګر راشي او له دوی نه څه وغواړي، ځکه ټول ذهناً تیار دي، چې په صدقه د بلا دفع وکړي. له برې خوا نه دوه زبېښلي ماشومان وړاندې وروسته را روان دي، د مخکیني په لاس کې د ایشیدلو نخودو دېګ دی، چې د پلورلو لپاره یې ورسره ګرځوي او وروستی تش لاس ورپسې را روان دی.
دواړه ورو، ورو را لنډ شول او چې د پاېوازانو له منځه تېریدل؛ نو لومړی یې یو دم پر ځمکه راپرېووت، د نخودو دېګ یې هغې خواته ولوېد او نخود دانه، دانه د ګڼو خلکو په پښو کې توی شول. لویدلي ماشوم د میرګي د ناروغ په څېر حرکات کول، لاسونه او پښې یې شخ کړل او له خولې یې د لاړو ځګونه اېستل، سر یې یوه او بله خوا خوځېده او د لاسونو او پښو د قبض او بسط لوبه یې کوله. بل ملګري ماشوم یې له پښې بوټ ووېست او د هغه پوزې ته یې نږدې کړ، ګویا ده ته دا ټوټکه کوم ډاکتر ښودلې. د بوټ کاربن ډای اکسایډ د وینې د کاربن سویه لوړوي او دا د تنفسي مرکز د تحریک لپاره یوه تنبه ده.
د پاېوازانو ګڼه ګوڼه پر لویدلي ماشوم راټوله شوه او ټولو د زړه له تله د هغه د پر حال کېدو لپاره هڅې وکړې، ځینو له دوکانونو نه اوبه ورته راوتښتولې او ځینو یې لاسونه او پښې نیولي ول. زه له ماشوم سره نږدې شوم، د هغه حیاتي علایم ټول نارمل وو، حرکات یې د میرګي د ناروغ نه ول او هر څه یې په ارادي توګه تر سره کول. لږه شېبه وروسته ماشوم راکېناست او ټولو خلکو شکر وایست، چې یو ژوند بچ شو. ماشوم غلی او مظلوم ناست و، بې له دې، چې څه وغواړي، د خلکو لاسونه جیبونو ته ننوتل او ټولو پرې د پیسو باران وکړ. ماشوم د سترګو له کونجونو پیسو ته کتل، ورو، ورو یې راټولې یې کړې او غلی غوندې له خپل ملګري سره روان شو. خلک بېرته په خبرو شول او ما دواړه ماشومان لیدل، چې لږ لېرې یې پیسې سره ووېشلې.
دا اول ځل ندی، چې زه له داسې ماشومانو سره مخ کېږم، خو ددې ماشوم ډرامې ودردولم، د ځان لپاره یې جالب رول ټاکلی و او ملګری ماشوم یې هم تر ده کم نه و. هڅه مې وکړه، چې خلکو ته ددې ماشوم راز ونه وایم، ځکه ممکن یو وخت د میرګي له ریښتینو ناروغانو سره هم مرسته ونکړي، خو ماته یې یو سوال پیدا کړ او هغه دا چې: ولې افغان ماشومان د سوال کولو لپاره له ډراماتیکو اکټونو ګټه اخلي؟
فکر کوم انسان د تعقل او عواطفو له دوو متضادو قطبونو رغیدلی موجود دی. تعقل د حوادثو پر وړاندې له یوه پروسس وروسته منطقي عکس العمل ښیي، خو عواطف زیاتره وخت پرته له کوم پروسسه او په نا آګاهانه توګه تحریک کېږي. د خضر (ع) او موسی (ع) په کېسه کې لومړی د تعقل او تفکر په مټ ځینې ګټور کارونه کوي، چې ظاهراً د تاوان کارونه ایسي، خو دویم د عواطفو په مټ جدي غبرګونونه ښیي. وروسته چې هغه د خضر (ع) پر حکمت خبرېږي نو حیرانېږي. عواطف د ژوند او چاپیریال د بېلا، بېلو حوادثو په اړه تحریک کېږي او ددې تحرکاتو شدت د حوادثو له شدت سره مستقیمه اړیکه لري. ښه، بد، ښکلا، بدرنګي، غم، خوشحالي، رحم، ظلم، مظلوم، ظالم او لایتناهي نورو تنبهات دي، چې هر یو د عاطفې پر مرکز فشار راوړي او انسان یوه ځانګړي عاطفي حالت ته سپاري. د مظلومیت پر وړاندې د انسان عاطفي عکس العمل تل مرسته او ترحم وي، چې داسې ده، نو افغان یتیمان او په ښارونو کې کارکوونکي ماشومان خو پرته له هغې هم د نړۍ د مظلومو ماشومانو له ډلې دي، دوی ولې د خلکو د عواطفو د راپارېدو لپاره ډرامې کوي؟!
دا ځواب د انساني تاریخ پاڼې راکولی شي. هغه مهال، چې انسان لا دومره نه و وحشي او نړۍ د اوسېدو وړ وه، مظلومیت د عواطفو د تحرک لپاره یوه تنبه کېدای شوه، مګر ورو، ورو انسان د برلاسۍ احساس رالاندې کړ؛ د بل د لاندې کولو هڅه یې پیل کړه؛ د اوسپنې په څېر یو عنصر یې کشف کړ، چې وسله یې کړه او د نورو وژل یې ورته اسان کړل؛ توره په ټوپک، ټوپک په بم او بم په اتوم بدل شو او بالاخره د مرګ، جنګ، تشدد او تاوتریخوالي د وسایلو استعمال دومره مظلومیتونه وزېږول، چې د مظلومیت پر وړاندې یې د عواطفو حساسیت ټکنی کړ. مظلومیت زیات شو او د مظلومیت پر وړاندې د عواطفو حساسیت کم، دا باید د انساني ټولنې خاصه نه وای، خو چې تریخ حقیقت دی څنګه یې کوې؟ بېوزلان او مظلومان چې د بل انسان مرستې او ترحم ته اړتیا لري، باید په یو نه یو ډول د عواطفو له پلوه د مسخه شوي انسان پام او مرسته د ځان خواته راجذب کړي، مګر انسان چې عواطف یې متواترو ظلمونو او مظلومیتونو ځپلي بې غمه لکه بت په رډو، رډو ګوري او هېڅ حساسیت نه ښیي. بېوزلان او مظلومان مجبور دي، چې خپله بېوزلي او مظلومیت تر اصلي حالته شل چنده لوی وښیي، بیخي هغسې لکه موږ چې د کڼو خلکو لپاره اواز لوړوو او په لنډه توره پسې قدم اخلو.
د طالبانو د تحریک له لوري د پاکستان د حکومت له څلورکسیزې کمېټې سره خبرو ته د معرفي شوي پلاوي یوه غړي مولانا عبدالعزیز، چې د اسلام اباد د لال جومات خطیب هم دی، وویل، له حکومتي پلاوي سره به نن ماسپښین دوې بجې په اسلام اباد کې وګوري خو تر دې مخکې به په خپل منځ کې غونډه وکړي.
د طالبانو د پلاوي غړي او د جماعت اسلامي ګوند د خیبر پښتونخوا ایالتي مشر پروفیسر ابراهیم وویل چې دوی به له حکومتي پلاوي سره تر خبرو مخکې په خپل منځ کې پر دې وږغېږي چې خبرو ته څرنګه فضا برابره شي څو خبرې نتیجه ورکړي.
ده دا هم وویل چې د طالبانو د تحریک له مشرانو سره یې په ټېلفون خبرې کړي، طالبان د خپلو بندیانو د خوشي کېدو، اوربند او یو شمېر نورو مسایلو غوښتنه لري چې اوس نه غواړي دا مسایل په ډاګه کړي.
په همدې حال کې د پاکستان د حکومت مرکچي پلاوي د طالبانو له پلاوي څخه غوښتي چې تر خبرو مخکې ځیني مسایل روښانه کړي.
د پاکستان د حکومت له لوري د ګومارل شوې کمېټې غړي رحیم الله یوسفزي وویل چې حکومتي پلاوي نن ماسپښین د پاکستان د صدراعظم په دفتر کې په خپل منځ کې خبرې وکړې او په ترڅ کې یې پرېکړه وکړه چې تر خبرو مخکې دې د طالبانو له لوري معرفي شوی پلاوی د ځینو مسایلو په اړه وضاحت ورکړي.
ده وویل چې د طالبانو په پلاوي کې له ګډونه د عمران خان او مولانا فضل الرحمن له انکاره وروسته د پلاوي نورو غړیو له طالبانو سره تماس نیولی او لا هم طالبان هغوی خپل استازي ګڼي.
ده دا هم وویل چې له پلاوي څخه یې غوښتي چې څومره واک لري، پر کومو مسلو د خبرو اختیار لري یا پر کومو مسلو غواړي چې خبرې وکړي. او یا لویې پرېکړې هم کولی شي.
کابل- د ۱۳۹۲ کال د سلواغې ۱۴مه د ۱۳۹۳ کال د ولسمشريزو ټاکنو لپاره نوماند ډاکټر زلمي رسول نن په رسمي ډول د راتلونکو ټاکنو لپاره ځان و نوماوه. محتر ډاکټر زلمي رسول او د هغه دوو مرستيالانو هره يوه احمدضيا مسعود او حبيبه سرابي نن د لويې جرګې په خېمه کې د خپلو شاوخوا شپږ زره پلويانو په مخکې ويناوې وکړې. ښاغلي ډاکټر رسول د راتلونکو پنځو کلونو لپاره پر خپلو پلانونو باندې رڼا واچوله. هغه له فساد سره پر مبارزه ټينګار وکړ او دغه راز يې ژمنه وکړه چې دده د کابينې پنځوس سلنه به ځوانان او ښځې جوړوي. ښاغلي ډاکټر رسول دغه راز وويل چې له فساد سره به جدي مبارزه کوي. نوموړي ټينګار وکړ چې افغانستان په يوه حساسه مرحله دی او د داسې يوه ټيم رهبري ته اړتيا لري چې پراخه تجربه، ژمنتيا او زغم ولري او نوي نسل ته د اقتدار د لېږد لپاره ځان د پل په توګه وکاروي. ولسمشريزې ټاکنې به د ۱۳۹۳ کال د وري پر ۱۶مه کېږي. د ښاغلي ډاکټر زلمي رسول لومړی مرستيال احمدضیا مسعود او دويمه مرستياله يې ډاکټره حبيبه سرابي ده.
داکتر زلمی رسول کاندیدای انتخابات ریاست جمهوری سال ۱۳۹۳ امروز رسما کاندیداتوری خود را به انتخابات اعلان نمود. محتر داکتر زلمی رسول همراه با دو معاونان خود هر یک محترم احمد ضیا مسعود و محترمه حبیبه سرابی امروز در خیمه لویه جرګه در حضور تقریبا شش هزار حامیا خود بیانیه های خود را ایراد کرد. محترم داکتر رسول ضمن بیانیه خویش پلان های کاری خود در طول پنج سال اینده توضیح دا د و ګفت با فساد اداری مبارزه جدی میکند. همچنان داکتر رسول وعده سپرد که نصف از کابینه وی زنان و جوانان تشکیل خواهد داد وی تاکید کرد که : (( افغانستان در یک مرحله حساس قرار دارد و نیازمند رهبری تیمی است که تجربه وسیع و تعهد و حوصله داشته باشد و خود را بحیث یک پل انتقال اقتدار به نسل نو افغانستان قرار دهد.)) انتخابات ریاست جمهوری افغانستان در ۱۶ ماه حمل سال ۱۳۹۳ صورت میګیرد. داکتر زلمی رسول احمد ضیا مسعود را بحیث معاون اول و داکتر حبیبه سرابی به حیث معاون دوم خود انتخاب نموده.
