ګنهکار ځوان!
د موسی علیه السلام په وخت کې یو ځوان و، ډېر زیات بدکار، ګنهګار او پرخپل ځان ظالم و، د کلي خلکو نوموړی په ډېره بې احترامۍ له ښار څخه بهر وویستو او ویل یې چې دا ځوان ډېر ګنهګار انسان دی، داسې نه چې دده له امله الله تعالی پرمونږ قهر نازل کړي.
ځوان له دې وروسته په یوه کنډواله کې ژوند پیل کړ، په دې ځای کې د ده لپاره د خوراک او څښاک هېڅ نه وو ، نه یې کوم خپل او نه خپلوان وو، بس یوازې یې ژوند کولو.
الله تعالی موسی علیه السلام ته وحیه وکړه چې زما له ولیانو څخه یو ولي وفات شوی دی ؛ لاړ شه، هغه ته غسل ورکړه او جنازه یې ترسره او په کلي کې اعلان وکړه، د هرچا ګناه چې ډېره زیاته وي په دې جنازه کې د ګډون نه وروسته به یې الله تعالی ټول ګناهونه وبښي.
د موسی علیه السلام له اعلان سره سم بې شمېره خلک را ښکاره او د جنازې په ځای کې را غونډ شول، خلکو د مړي له مخ څخه د پردې په لرې کولو مړی و پیژندلو او موسی علیه السلام ته یې عرض وکړ ، چې ای د الله نبي ! دا خو هغه فاسق دی چې مونږ له کلي شړلی و.
ددې خبرې په اورېدو موسی علیه السلام په تعجب شو، موسی (ع) چې کله مړي ته وکتل حیران شو او وې ویل چې دا خو ریښتیا همغه ګنهګار ځوان دی ، چې بې له ګناه څخه به یې ژوند نه شو کولای، ایا دده په اړه الله تعالی ماته وحی کړې؟!
الله تعالی موسی (ع) ته وحی وکړه، او وېي فرمایل چې دا خلک رښتیا وایي !
کله چې خلکو دا ځوان له ښار نه وشړلو، موده وروسته د یخوالي له امله دا ځوان ناروغ شو، شاوخوا یې وکتل، هیڅ څوک یې تر سترګو نه شو، نه ملګری ، نه کوم خپل او نه هم خپلوان.
د یوازېتوب، غربت او ذلت احساس یې وکړ او بیا یې پاس د اسمان خوا ته وکتل او وېي ویل:
الهي ! زه ستا له بندګانو څخه یو بنده یم، له ښار څخه شړل شوی یم، څوک مې په ښار کې د ژوند کولو لپاره نه پریږدي.
يا الله ! که زه په دې پوهېدای چې هغه عذاب چې ته يې ماته راکوې ، ستا په ملکیت کې زیاتوالی رامنځ ته کوي ، او یا هغه بښنه چې ته پرې ما بښې، ستا په پادشاهي کې څه کمی راولي، نو ما به هېڅکله ستاڅخه د بښنې غوښتنه نه وای کړې، خو زما ساتونکی او بښونکی پرته له تا بل څوک نه دی، ځکه تا په خپله ویلي چې زه تر ټولو ډېر لوی بښونکی او مهربان یم!
هیله کوم زما زړه مه راماتوه!
ای موسی !
ایا ماته دا مناسبه ده، چې د هغه دعا رد کړم پداسې حال کې چې دی زما څخه په ډېره عاجزۍ زما د صفاتو په یادولو د بښنې غوښتنه کوي او رڼې اوښکې تویوي.
ای موسی ! زه په خپل عزت قسم یادوم ! که دې ځوان د نړۍ د ټولو وګړو لپاره بښنه غوښتې وای ما به ددې ځوان د تواضع په خاطردا ټول خلک بښلي وو!
که یې له الله تعالی څخه د ټولو انسانانو د بښنې غوښتنه کړې وای ، الله تعالی به دا ټول خلک بښلي وو!
ای موسی!
زه د غریب او اجنبي خلکو مرستندوی، ملګری، طبیب، او پر داسې خلکو ډېر مهربانه یم.!
هغه ګنهګار ځوان، چې بې له ګناه څخه یې بل کار نه و زده، له هغه نه الله تعالی ولي جوړوي، هغه هم یوازې په یو وار توبه؟!
ځمونږ خالق ډير مهربانه او پوره رحم لرونکی دی، مګر مونږ د دعا د غوښتلو په طریقه نه پوهېږو، که مونږ په سمه توګه د الله تعالی څخه د د عا غوښتنه وکړو ، هغه به راته ټول ګناهونه معاف کړي!
یا الله سبحانه وتعالی مونږ ټول ستا ډېر ګنهګاره بندګان یو، همداسې چې دې هغه ځوان ته بخشنه کړې ، همدغه شان بخشنه مونږ ته هم وکړه.
اګر که دا کیسه ډېره مستنده نه ده، خو داچې د توبې اهمیت ته پکې اشاره شوې او د الله تعالی رحمت او مهرباني تر دې هم زیاته ده، په همدې خاطر مې ولیکله.
کاپی:- دښاغلی محمد عوض اکبری له وال څخه!
د موسی علیه السلام په وخت کې یو ځوان و، ډېر زیات بدکار، ګنهګار او پرخپل ځان ظالم و، د کلي خلکو نوموړی په ډېره بې احترامۍ له ښار څخه بهر وویستو او ویل یې چې دا ځوان ډېر ګنهګار انسان دی، داسې نه چې دده له امله الله تعالی پرمونږ قهر نازل کړي.
ځوان له دې وروسته په یوه کنډواله کې ژوند پیل کړ، په دې ځای کې د ده لپاره د خوراک او څښاک هېڅ نه وو ، نه یې کوم خپل او نه خپلوان وو، بس یوازې یې ژوند کولو.
الله تعالی موسی علیه السلام ته وحیه وکړه چې زما له ولیانو څخه یو ولي وفات شوی دی ؛ لاړ شه، هغه ته غسل ورکړه او جنازه یې ترسره او په کلي کې اعلان وکړه، د هرچا ګناه چې ډېره زیاته وي په دې جنازه کې د ګډون نه وروسته به یې الله تعالی ټول ګناهونه وبښي.
د موسی علیه السلام له اعلان سره سم بې شمېره خلک را ښکاره او د جنازې په ځای کې را غونډ شول، خلکو د مړي له مخ څخه د پردې په لرې کولو مړی و پیژندلو او موسی علیه السلام ته یې عرض وکړ ، چې ای د الله نبي ! دا خو هغه فاسق دی چې مونږ له کلي شړلی و.
ددې خبرې په اورېدو موسی علیه السلام په تعجب شو، موسی (ع) چې کله مړي ته وکتل حیران شو او وې ویل چې دا خو ریښتیا همغه ګنهګار ځوان دی ، چې بې له ګناه څخه به یې ژوند نه شو کولای، ایا دده په اړه الله تعالی ماته وحی کړې؟!
الله تعالی موسی (ع) ته وحی وکړه، او وېي فرمایل چې دا خلک رښتیا وایي !
کله چې خلکو دا ځوان له ښار نه وشړلو، موده وروسته د یخوالي له امله دا ځوان ناروغ شو، شاوخوا یې وکتل، هیڅ څوک یې تر سترګو نه شو، نه ملګری ، نه کوم خپل او نه هم خپلوان.
د یوازېتوب، غربت او ذلت احساس یې وکړ او بیا یې پاس د اسمان خوا ته وکتل او وېي ویل:
الهي ! زه ستا له بندګانو څخه یو بنده یم، له ښار څخه شړل شوی یم، څوک مې په ښار کې د ژوند کولو لپاره نه پریږدي.
يا الله ! که زه په دې پوهېدای چې هغه عذاب چې ته يې ماته راکوې ، ستا په ملکیت کې زیاتوالی رامنځ ته کوي ، او یا هغه بښنه چې ته پرې ما بښې، ستا په پادشاهي کې څه کمی راولي، نو ما به هېڅکله ستاڅخه د بښنې غوښتنه نه وای کړې، خو زما ساتونکی او بښونکی پرته له تا بل څوک نه دی، ځکه تا په خپله ویلي چې زه تر ټولو ډېر لوی بښونکی او مهربان یم!
هیله کوم زما زړه مه راماتوه!
ای موسی !
ایا ماته دا مناسبه ده، چې د هغه دعا رد کړم پداسې حال کې چې دی زما څخه په ډېره عاجزۍ زما د صفاتو په یادولو د بښنې غوښتنه کوي او رڼې اوښکې تویوي.
ای موسی ! زه په خپل عزت قسم یادوم ! که دې ځوان د نړۍ د ټولو وګړو لپاره بښنه غوښتې وای ما به ددې ځوان د تواضع په خاطردا ټول خلک بښلي وو!
که یې له الله تعالی څخه د ټولو انسانانو د بښنې غوښتنه کړې وای ، الله تعالی به دا ټول خلک بښلي وو!
ای موسی!
زه د غریب او اجنبي خلکو مرستندوی، ملګری، طبیب، او پر داسې خلکو ډېر مهربانه یم.!
هغه ګنهګار ځوان، چې بې له ګناه څخه یې بل کار نه و زده، له هغه نه الله تعالی ولي جوړوي، هغه هم یوازې په یو وار توبه؟!
ځمونږ خالق ډير مهربانه او پوره رحم لرونکی دی، مګر مونږ د دعا د غوښتلو په طریقه نه پوهېږو، که مونږ په سمه توګه د الله تعالی څخه د د عا غوښتنه وکړو ، هغه به راته ټول ګناهونه معاف کړي!
یا الله سبحانه وتعالی مونږ ټول ستا ډېر ګنهګاره بندګان یو، همداسې چې دې هغه ځوان ته بخشنه کړې ، همدغه شان بخشنه مونږ ته هم وکړه.
اګر که دا کیسه ډېره مستنده نه ده، خو داچې د توبې اهمیت ته پکې اشاره شوې او د الله تعالی رحمت او مهرباني تر دې هم زیاته ده، په همدې خاطر مې ولیکله.
کاپی:- دښاغلی محمد عوض اکبری له وال څخه!
