| شاهد افریدي یو ځل بیا دافغانستان خلاف لوبیږي |
 |
 |
 |
| Monday, 28 January 2013 15:16 | |
 نوموړي ته دپاکستان هغې الف لوبډله کې دلوبیدو موقع ورکړل شویده چې راتلونکې میاشت به دافغانستان الف لوبډلې خلاف 3 سیالۍ ترسره کړي.شاهد افریدي ددې وړاندې تیرکال په غټه کچه دپاکستان ملي لوبډلې په ګټه دافغانستان خلاف لوبیدلې چې دافغانستان 5 لوبغاړي یی سوځولې وو. ټاکل شویده دافغانستان کرکټ الف لوبډله دپاکستان الف کرکټ لوبډلې سره 2 یو ورځنۍ او 1 شل اوریزه سیالۍ ترسره کړي چې ویل کیږي چې په تلویزون به په ژوندې بڼه هم خپرې شي. دیادونې وړ ده چې د څه مودې راهیسي دخرابې کارکردګۍ له کبله شاهد افریدي دپاکستان دیو ورځنیو سیالیو ملي لوبډلې کینول شویدې. پاکستاني رسنیو خبر ورکړیدې چې شاهد افریدي دافغانستان الف لوبډلې خلاف دلوبیدو هیله څرګنده کړیده. رسنیو زیاتوي چې افریدي دپاکستان کرکټ بورډ دټاکوونکي ډلګۍ (سلیکشن کمیټې) سره اړیکه نیولې او دپاکستان کرکټ ملي لوبډلې ته یوځل بیا دلارې پیدا کولو په موخه یی دافغانستان خلاف دپاکستان الف په ګټه دلوبیدو وړاندیز کړیدې. وروستي معلومات وایی چې دپاکستان کرکټ بورډ افریدي ته دپاکستان په الف لوبډله کې دافغانستان خلاف په ټولو سیالیو کې دلوبیدو چانس ورکړیدې چې دفیبرورۍ په 7 او 9 مه نیټه به یو ورځنۍ او په 8 مه نیټه به شل اوریزه لوبه دلاهور په قذافي کرکټ نړیوال لوبغالي کی ترسره کړي. افغان کرکټ بورډ وایی چې دپاکستان الف لوبډلې خلاف به خپله الف لوبډله ولوبوي خو تراوسه معلومه نده چې افغانستان به هغه الف لوبډله ولوبوي چې روانه میاشت یی په غازي امان الله کرکټ نړیوال لوبغالي کی دافغانستان کرکټ ملي لوبډلې خلاف لوبې ترسره کړي او کنه ملي لوبغاړي به دالف لوبډلې په نوم ولوبوي. |
No comments:
Post a Comment